كلمات قصيدة اريد ابقى جمر - محمد بوجبارة
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
مصير اليبرد ابحزنك يمولاي
مصير الشّجره لمّن تفقد الماي
وانا شجْرة حزن عايش على دموع
تموت اغصاني لمّن اقطع بچاي
شنو قيمة الشجره ابلايه اغصان؟
وشنو قيمة وجودي ابلايه احزان
انا اللّي ( لم يكُن شيئًا ) يذكروه
والله لخاطرك سوَّاني إنسانْ
انا المو زين وإنته سيَّدي الزَّين
انا اللاّ شيء ، وانتَ الكلشي يحسين!
قبل عالم الاصلاب .. واحسَّك ملتزمني
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
دخلّيني أعِطْشَك وأرتوي بيك
أخاف اشرب نهَر غيرك وأخلَّيك
فهَّمني اشْيحِس الداسته الخيل؟
يبو السَّجاد أمشَّي زينب عليك
أريد اشعر سهَم نحرك بنحري
أريد الخيل تسحق فوق صدري
أريد ابقى كسيرك خاف فد يوم
أدوّر غيرك مْن يْطيب كسري !
شرّبني ولو قطرة مْن الِجْرُح
فهّمني شنو مَعْناةْ مذبوح ؟!
يهمني هذا المصاب .. ولا غيره اليهمني
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
لأهل المعرفة ويّاك حَالاتْ
عيَّشني الذي يعيشونه لحظاتْ
چم زاير يخاف لكربلا يزور ؟
جابُو قوَّة ، شاهد قبرك وماتْ !
ما شافوْا ضريحك فضَّ وانْحاس
مثل ما عادة تنظر قبرك النَّاس
شافوْا عدى صدرك طفل مذبوح
وإنتوا إثنينكم جثَّه بلا راس
أكو اللي يْشاهِدَك شبَّاچ وحْديد
وأكو اللي يشاهدَك محزوز اِلِوْريد
تون چبدي بعطش ذاب .. ولا واحد رحمني
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
يتباكى الذي دمعاته تعْصِيْه
يجر بيها وهِي ترجع تجر بِيْه
لچنّه المنچوي بترابك الحَارْ
تطلع ويَّ انفاسه بواچيه
عليك بلا تكلّف يبچي ويْصيح
وعينه بلا إرادة تجري وتسيح
و الما باچي لجلك هذا محسوب
صَمْ رماد بِيه إشتدَّت الرَّيح
بحرف ( الحاء ) لازم يبدي الوْنين
قبل لا يوصل الناعي إلي ( السَّين )
واذا طاري الشمر جابْ .. تفيض الرّوح منّي
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
أدّبني على آداب المُحبَّين
قلّي شلون كون يكون الِوْنين
علّمني أموتن من أجر آهْ
إذا قالولي زينب بالدّواوين
خلّيني أسهر لزينب وأوِن دوم
مثل ما بالخرابه عافت النّوم
صباحاً و مساءً أندب الصار
ويَّ المهدي تجري المدمع دِموم
ينادي عْيوني ما نامت ولا تنْام
على اللي ميسّرة ودّوها للشّام
مشي عْمتي وْبه الأجناب .. كِسَر قلبي ولچمني
اريد ابقه جمُر واحزاني تنعاد
اخافن انطفي واتحول ارماد
واذا ذرني الهوّا الهاب
بعد ياهو اليلمني؟
تعليقات
إرسال تعليق